जुन्या वादाचा राग मनात धरून शिपायावर चाकूने हल्ला…-गडचिरोली भुमिअभिलेख कार्यालयातील शिपाई…

उद्रेक न्युज वृत्त 

गडचिरोली :- गडचिरोली भुमिअभिलेख कार्यालयात शिपाई पदावर कार्यरत असलेले दिनेश काकडे वय २५ वर्षे मु.पो.ता. मानवत जि.परभनी (हल्ली मुक्काम गडचिरोली) हे शहरातील टी पॉईंट चौकात हॉटेलमध्ये दुपारी ३ वाजेच्या सुमारास जेवण करीत असताना जुन्या वादाचा राग मनात धरून सौरभ ताटिवर वय २६ वर्षे रा.गडचिरोली याने काकडे यांच्या गळ्यावर चाकूने वार करीत गंभीर जखमी केले असल्याची घटना आज,दिनांक- २७ जून रोजी दुपारी उघडकीस आल्याने शहरात एकच खळबळ माजली आहे.काही दिवसांपूर्वी भूमिअभिलेख कार्यालय परिसरात आरोपी सौरभ ने भांडण केल्याने त्यावेळी दिनेश काकडे यांनी भांडण सोडविण्याचा प्रयत्न केल्याचा राग मनात धरून सदर प्रकार घडल्याची माहिती गडचिरोली पोलिसांनी दिली आहे.