आज रंगणार आयपीएलचा थरार; जो जिंकेल तो फायनल खेळणार..

उद्रेक न्युज वृत्त :-आयपीएल-२०२५ म्हणजेच

इंडियन प्रीमियर लीगचे सामने आता अंतिम टप्प्यात येऊन ठेपले असून येत्या मंगळवार ३ जून रोजी अंतिम सामना होणार आहे.अश्यातच आज,रविवार १ जून ला  क्वालिफायर-२ सामना मुंबई इंडियन्स वर्सेस पंजाब किंग्ज यांच्यात अहमदाबादमधील नरेंद्र मोदी स्टेडियमवर संध्याकाळी ७.३० वाजता खेळला जाणार आहे. सदर होणाऱ्या सामन्यातील विजेता संघ येत्या ३ जून रोजी होणाऱ्या अंतिम सामन्यात रॉयल चॅलेंजर्स बंगळुरू (RCB)शी सामना करेल,ज्यांनी आधीच क्वालिफायर-१ जिंकून अंतिम फेरीत प्रवेश केला आहे.एलिमिनेटर सामन्यात गुजरात टायटन्सचा पराभव करून मुंबईने क्वालिफायर-२ मध्ये स्थान मिळवले आहे.दोन्ही संघ प्लेऑफमध्ये प्रथमच एकमेकांसमोर येतील.त्याच वेळी,दोघेही हंगामात दुसऱ्यांदा एकमेकांसमोर येतील.गेल्या वेळी पंजाबने मुंबईला ७ विकेट्सने हरवले होते.आजचा क्वालिफायर-२ सामना- एमआय विरुद्ध पीबीकेएस,स्टेडियम- नरेंद्र मोदी स्टेडियम, अहमदाबाद,वेळ-नाणेफेक  संध्याकाळी ७ वाजता, सामना सुरू -संध्याकाळी ७३० वाजता.