उद्रेक न्युज वृत्त
ठाणे :- दुचाकी चोरटा सुरुवातीला छोट्या मोठ्या चोऱ्या करायचा; गेली तीन वर्षे रस्ताच्या कडेला असलेल्या,इमारतींच्या पार्किंग केलेल्या आवारातील दुचाकी चोरण्यात पटाईत झाला.चोऱ्या करता करता एका तरुणीच्या प्रेमात पडला.प्रेमात पडताच प्रेयसीवर पैसे उधळण्यासाठी त्याने दमदार चोऱ्यांचा सपाटा लावला.चोरलेल्या दुचाकी मिळेल त्या किंमतीत विकून आलेला पैसा प्रेयसीवर उधळू लागला.मात्र क्राईम ब्रँचचे कॉन्स्टेबल गुरूनाथ जरग यांची तीक्ष्ण नजर या चोरट्यावर पडली आणि चोऱ्या करून अय्याशी जीवन जगणाऱ्या या चोरट्याला आता पोलीस कोठडीनंतर जेलची हवा खावी लागणार आहे.आरोपीचे नाव शुभम पवार असून तो फक्त १९ वर्षाचा आहे.
कल्याण डोंबिवली शहरात दुचाकी चोरीच्या घटना सातत्याने होत आहेत.त्या अनुषंगाने दाखल झालेल्या तक्रारीवरून कल्याण गुन्हे शाखा घटक ३ चे वरिष्ठ पोलीस निरीक्षक किशोर शिरसाठ यांच्या मार्गदशनाखाली सहाय्यक पोलिस उपनिरीक्षक मोहन कळमकर यांच्या पथकाने सदर ठिकाणा वरील सीसीटीव्ही फुटेज तपासत आरोपीचा शोध सुरू केला.
यातील आरोपी डोंबिवली मधील कोळेगाव मानपाडा याठिकाणी येणार असल्याची गुप्त माहिती पोलिसांना मिळाली असता पोलिस अंमलदार गुरुनाथ जरग, पोलीस हवालदार अनुप कामत, विनोद चन्ने यांनी सदर ठिकाणी सापळा रचत शुभम पवार या १९ वर्षीय आरोपीला ताब्यात घेतले. त्याच्याकडे चौकशी केली असता त्याने मागील दोन वर्षात १३ दुचाकी चोरल्या असल्याचे कबूल केले.
