शेतात काम करीत असतांना सर्पदंश; शेतकऱ्याचा मृत्यू…

गोंदिया :-शेतात काम करीत असलेल्या शेतकऱ्याला सर्पदंश झाल्याने यात त्याचा मृत्यू झाल्याची घटना काल,बुधवारी १३ नोव्हेंबरच्या सकाळी अर्जुनी मोरगाव तालुक्यातील केशोरी येथे घडली.दौलत तानुजी शेंडे वय ६५ वर्षे रा.केशोरी असे मृत्यू पावलेल्या शेतकऱ्याचे नाव आहे.प्राप्त माहितीनुसार, दौलत शेंडे हे काल,बुधवारी हे आपल्या शेतात काम करीत असतांना त्यांच्या पायाला सर्पदंश झाला.जवळ काम करीत असलेल्या शेतकऱ्यांनी त्यांना त्वरित घरी आणून केशोरी येथील प्राथमिक आरोग्य केंद्रात दाखल केले.मात्र,उपचारादरम्यान सकाळी ११ वाजता त्यांचा मृत्यू झाला.याप्रकरणी केशोरी पोलिसांनी आकस्मिक मृत्यूची नोंद केली आहे.त्यांच्या पश्चात पत्नी,एक मुलगा व दोन मुली असा आप्त परिवार आहे.