वाढते तापमान बघता जीवाची काळजी घ्या; भर उन्हामध्ये जाण्याचे टाळावे..

उद्रेक न्युज वृत्त:-तापमानामुळे नागरिकांना घराबाहेर पडणे कठीण झाले आहे.मात्र,काम करणाऱ्यांना घराबाहेर पडल्याशिवाय पर्याय नाही.वाढते तापमान बघता आरोग्य विभागाने आरोग्याची काळजी घेण्याचे आवाहन केले आहे.यात शक्यतो दुपारी १२ ते ४ या वेळेत उन्हामध्ये जाण्याचे टाळावे आणि भरपूर पाणी प्यावे,असे आवाहन करण्यात आले आहे. तापमानामध्ये बरीच वाढ झालेली असून,उष्ण लाटेमुळे कामगार, शेतकरी,भिकारीवर्ग,रस्त्यावरील विक्रेते,वयोवृद्ध, बालके,स्त्रिया आदी संवेदनशील गटांवर प्रतिकूल परिणाम होऊन त्याचा आरोग्यास धोका निर्माण होण्याची शक्यता नाकारता येत नाही. या गटातील व्यक्तींनी विशेषतः बांधकामांचे कार्य करणाऱ्या कामगारांनी विशेष काळजी घेणे आवश्यक आहे.दुपारच्या वेळी शक्यतो बाहेर पडणे टाळावे व जास्तीत जास्त प्रमाणात पाणी पिणे गरजेचे आहे.