वनक्षेत्रपालाने चक्क २० लाखाची लाच मागितल्या प्रकरणी अनेकांच्या उंचावल्या भुवया..! – लाच प्रकरणी वनक्षेत्रपालास अटक..

ताबा मिळवून देण्यासाठी वनक्षेत्रपाल संदीप चौरे

आणि खासगी इसम चंद्रकांत पाटील यांनी

तक्रारदाराकडे लाच मागितला होती.त्यानुसार

तक्रारदाराने पालघरच्या लाच लुचपत प्रतिबंधक विभागाकडे तक्रार दाखल केली होती.तक्रार दाखल केल्यानंतर १९ नोव्हेंबर आणि १३ डिसेंबर रोजी

त्याची पडताळणी करण्यात आली.आरोपींनी

ठरलेल्या २० लाखांपैकी १० लाखांची रक्कम स्विकारण्याची तयारी दर्शविली होती.त्यानंतर,

फिर्यादीच्या तक्रारीनुसार सापळा रचत एसीबीच्या पथकाने खासगी इसम चंद्रकांत पाटील याला १० लाख रुपयांची रोकड घेताना रंगेहात अटक केली.त्यानंतर, वनक्षेत्रपाल संदीप चौरे याचाही यात समावेश असल्याने लाच लुचपत प्रतिबंधक विभागाच्या पथकाने संदीप चौरे यालाही अटक केली आहे.दरम्यान,तक्रारीनुसार आरोपींविरोधात भ्रष्टाचार प्रतिबंधक कायद्यांतर्गत गुन्हा दाखल करण्यात आला आहे.