रेल्वे गाडीची धडक; बिबट्या ठार.. – रेल्वे गाडीच्या धडकेत वन्यप्राणी ठार होण्याच्या घटनांमध्ये सातत्याने वाढ..

गोंदिया :-सध्याच्या घडीला रेल्वे गाडीच्या धडकेत वन्यप्राणी ठार होण्याच्या घटनांमध्ये सातत्याने वाढ होत असल्याचे दिसून येत आहे.तीन दिवसांपूर्वीच गोंदिया-चांदाफोर्ट मार्गावर रेल्वे गाडीच्या धडकेत एका वाघाचा मृत्यू झाला होता.अशातच आता रेल्वे गाडीच्या धडकेत बिबट ठार झाल्याची घटना सालेकसा तालुक्यातील टोयागोंदी जवळ काल, शनिवारी २५ जानेवारीच्या सकाळी उघडकीस आली.

 माहितीनुसार,गोंदिया जिल्ह्याच्या सालेकसा तालुक्यातील दरेकसा स्थानकापासून रेल्वे ३ किलोमिटर अंतरावरील टोयागोंदी रेल्वे मार्गावरील पोल क्रमांक ९४७/२७ जवळ एक बिबट मृतावस्थेत आढळून आल्याने सदरची माहिती रेल्वे कर्मचाऱ्यांनी पोलिस प्रशासन तसेच वनविभागाच्या कर्मचाऱ्यांना देताच घटनास्थळ गाठून पाहणी केली.त्यानुसार

बिबट्याचा मृत्यू रात्रीच्या वेळेस रेल्वे गाडीने धडक दिल्याने झाल्याची माहिती प्राथमिक तपासात पुढे आल्याने पंचनामा करून मृत बिबट्याचे शवविच्छेदन करून त्याच्यावर अंत्यसंस्कार करण्यात आले.मागील वर्षी अर्जुनी मोरगावजवळ रेल्वे गाडीच्या धडकेत तीन बछड्यांचा आणि तीन अस्वलांचा मृत्यू झाला होता. रेल्वे गाडीच्या धडकेत वन्यप्राणी ठार होण्याच्या घटनांमध्ये सातत्याने वाढ होत असल्याने याला प्रतिबंध लावण्यासाठी उपाययोजना करण्याची गरज व्यक्त केली जात आहे.