महाराष्ट्राच्या पहिल्या उपमुख्यमंत्री होण्याचा मान सुनेत्रा पवारांना; आज शपथविधी सोहळा संपन्न..

उद्रेक न्युज वृत्त :-महाराष्ट्र राज्याचे उपमुख्यमंत्री अजित पवार यांचे विमान अपघातात अकाली निधन झाल्याने राष्ट्रवादी काँग्रेस पक्षाची धुरा तसेच रिक्त झालेले उपमुख्यमंत्री पद कुणाच्या पदरी पडणार?अश्या चर्चांना उधाण आले असतांनाच काल शुक्रवारी वेगवान राजकीय घडामोडी घडून अजित पवारांच्या पत्नी सुनेत्रा पवार यांच्या नावावर शिक्कामोर्तब करण्यात आले आणि आज,शनिवार ३१ जानेवारी सायंकाळच्या सुमारास सुनेत्रा पवार यांनी राज्याच्या उपमुख्यमंत्रिपदाची शपथ घेतली.त्या राज्याच्या १३ व्या उपमुख्यमंत्री झाल्या असून पहिल्यांदाच महाराष्ट्राला महिला उपमुख्यमंत्री मिळाल्या आहेत.मोजक्या नेत्यांच्या उपस्थितीत अत्यंत साधेपणाने हा शपथविधी सोहळा मुंबईच्या लोकभवनातील दरबार हॉलमध्ये पार पडला.महाराष्ट्र राज्याचे राज्यपाल आचार्य देवव्रत यांनी सुनेत्रा पवार यांना मंत्री म्हणून पद आणि गोपनीयतेची शपथ दिली.या कार्यक्रमासाठी राज्यपाल आचार्य देवव्रत,मुख्यमंत्री देवेंद्र फडणवीस,उपमुख्यमंत्री एकनाथ शिंदे,मुख्य सचिव आणि राजशिष्टाचार अधिकारी उपस्थित होते.तत्पूर्वी सकाळी विधान भवनात झालेल्या विधिमंडळ सदस्यांच्या बैठकीत राष्ट्रवादी काँग्रेसच्या विधिमंडळ गटनेतेपदी त्यांची निवड करण्यात आली.त्यानंतर संध्याकाळी सुनेत्रा पवार यांनी उपमुख्यमंत्रिपदाची शपथ घेतली.राष्ट्रवादी काँग्रेस (अजित पवार) पक्षाच्या विधिमंडळ नेतेपदासाठी सुनेत्रा पवार यांची निवड करण्याचा प्रस्ताव दिलीप वळसे पाटील यांनी प्रस्ताव मांडला.त्या प्रस्तावाला छगन भुजबळ यांनी अनुमोदन दिले.त्यानंतर सुनेत्रा पवारांची राष्ट्रवादी काँग्रेस(अजित पवार)पक्षाच्या विधिमंडळ नेतेपदी एकमताने निवड करण्यात आली.त्यानंतर मुख्यमंत्री देवेंद्र फडणवीस यांच्याकडे गटनेता निवडीचे पत्र सादर करण्यात आले.

शपथविधीनंतर सुनेत्रा पवार यांच्याकडे कोणती खाती सोपवली जाणार,याकडे सर्वांचे लक्ष लागून होते. त्यानुसार,त्यांच्याकडे राज्य उत्पादन शुल्क,क्रीडा आणि युवा व अल्पसंख्याक विकास खात्याची जबाबदारी सोपवण्यात आली आहे.तर,अर्थमंत्री खाते वगळण्यात आले आहे.अर्थमंत्री खाते मुख्यमंत्री देवेंद्र फडणवीस यांच्याकडे राहणार आहे.