भामरागड तालुक्यातील एक तर धानोरा तालुक्यातील दोन नक्षलवाद्यांनी केले आत्मसमर्पण.. – तिघांवर ३८ लाखांचे बक्षीस..

गडचिरोली :-जिल्ह्याच्या भामरागड तालुक्यातील एक तर धानोरा तालुक्यातील दोन नक्षलवाद्यांनी आज,शुक्रवार १४ फेब्रुवारीला गडचिरोली पोलीस तथा केंद्रीय सुरक्षा दल (सिआरपीएफ)यांच्या समोर आत्मसमर्पण केले.विक्रम ऊर्फ मंगलसिंग ऊर्फ संदिप सहागु तुलावी वय ४० वर्षे रा.गुर्रेकसा,ता.धानोरा,जि. गडचिरोली,नीलाबाई ऊर्फ अनुसया बंडु ऊईके वय ५५ वर्षे,रा.मेडपल्ली,ता.भामरागड,जि.गडचिरोली व वसंती ऊर्फ सुरेखा ऊर्फ दुल्लो राजु हिडामी वय ३६ वर्षे,रा.गुर्रेकसा,ता.धानोरा,जि.गडचिरोली असे आत्मसमर्पण केलेल्या नक्षलींची नावे आहेत.शासनाने

तिघांवर ३८ लाख रुपयांचे बक्षीस जाहीर केले होते.यामध्ये विक्रम ऊर्फ मंगलसिंग ऊर्फ संदिप सहागु तुलावी याच्यावर १६ लाख रुपये,नीलाबाई ऊर्फ अनुसया बंडु ऊईके हिच्यावर १६ लाख रुपये तर वसंती ऊर्फ सुरेखा ऊर्फ दुल्लो राजु हिडामी हिच्यावर ६ लाख रूपयाचे बक्षीस जाहिर केले होते.

नक्षलवाद्यांवर सततच्या होणाऱ्या कारवायांमुळे तसेच नक्षली जीवन हे त्रासदायक झाल्याने आत्मसमर्पण केल्याशिवाय पर्याय नसल्याचे दिसून येत आहे. त्यामुळे गेल्या वर्षभरात अनेक नक्षलवाद्यांनी स्वतः आत्मसमर्पण करून शैलीचे जीवन जगण्याचा मार्ग निवडला आहे.