प्रचारातून ५०० रुपये मजुरी मिळत असतांना दिवसभर शेतात कां राबायचे? – निवडणुकीपर्यंत तरी कमवून घेऊ; मग तर शेतात राबणेच आहे नं..!

सध्या धान कापणीचा हंगाम सुरू झाला आहे.दरवर्षी धान कापणीसाठी गावोगावी महिला मजुरांची जुळवाजुळव करावी लागते.एखाद्या व्यक्तीकडे महिला मजुरांना एकत्र गोळा करण्याची,त्यांची मजुरी ठरवून देण्याची जबाबदारी दिली असते.महिलांची जुळवाजुळव झाल्यानंतर धान कापणी होईपर्यंत मजूर शेतात राबत असतात.धान कापणीसाठी मजुरांना अडीचशे ते ४०० रुपयांपर्यंत मजुरी दिली जाते.त्यात मजुरांची व्यवस्था करुन देणे याचीही कमिशन ठरली असते.परंतु,यावर्षी निवडणुका आल्याने उमेदवारांनी या मजुरांनाच प्रचारासाठी ठेवल्याने शेतीसाठी मजूर मिळेनासे झाले आहेत.त्यामुळे अनेकांनी धान कापणीचे गुत्ते रद्द केले आहेत.मजुरांना विणवनी करुनही धान कापणीसाठी पाठ दाखवित आहेत.