धान खरेदीसाठी शेतकरी ऑनलाईन नोंदणीला मुदतवाढ..

गडचिरोली :-आधारभूत किंमत खरेदी योजनेंतर्गत खरीप हंगाम २०२५-२६ साठी शेतकरी ऑनलाइन नोंदणीला आता ३१ जानेवारी २०२६ पर्यंत मुदतवाढ देण्यात आली आहे.महाराष्ट्र स्टेट को-ऑप.मार्केटिंग फेडरेशनमार्फत गडचिरोली जिल्ह्यात धान खरेदी प्रक्रिया राबविली जात आहे.शासनाच्या अन्न,नागरी पुरवठा व ग्राहक संरक्षण विभागाच्या पत्रानुसार ही मुदतवाढ देण्यात आली आहे.शेतकरी बांधवांनी आपले धान व्यापाऱ्याला न विकता,शासनाच्या आधारभूत दरानुसारच विक्री करावे.यासाठी शासकीय धान खरेदी केंद्रावर त्वरित ऑनलाइन नोंदणी करून आपला धान केंद्रावरच विक्री करावा,असे आवाहन जिल्हा मार्केटिंग अधिकारी व्ही.एस.तिवाडे यांनी केले आहे.