दुचाकी झाडावर आदळली अन् बीचाऱ्याचा जीवच गेला.!

गडचिरोली :-पत्नी व मुली गावी गेल्याने त्यांना आणण्यासाठी दुचाकीने जात असतांनाच वाटेतच दुचाकीवरील नियंत्रण सुटून दुचाकी झाडावर आदळली. यात तो गंभीर जखमी झाल्याने रुग्णालयात दाखल करण्यात आले असता उपचारादरम्यान मृत्यू झाल्याची घटना काल शुक्रवारी गडचिरोली जिल्ह्याच्या अहेरी तालुक्यातील आलापल्ली-एटापल्ली मार्गावरील मद्दीगुडम गावाजवळील वळणावर घडली.यात ३५ वर्षीय दिलीप मधुकर सडमेक रा.ता.अहेरी याचा मृत्यू झाला.

माहितीनुसार,दिलीप सडमेक हा काल दुपारच्या सुमारास पत्नी व १० वर्षीय आणि ८ वर्षीय मुलींना आणण्यासाठी दुचाकीने सासुरवाडीला जात होता. पत्नी व दोन मुली एटापल्ली येथे दोन दिवसांपूर्वी गेल्या होत्या.अश्यातच दुचाकीने जात असतांना वाटेतच काळाने झडप घातली आणि सुखी परिवारात काळोख पसरला.दिलीप हा शासकीय रुग्णालयात कंत्राटी सफाई कामगार म्हणून काम करीत होता.मात्र,कंत्राटाची मुदत संपल्याने तो बांधकामावर मिस्त्रीचे काम करायचा.त्यातच नकळत कुटुंबातील कमावत्या व्यक्तीचे आधारवड गेल्याने सर्वत्र हळहळ व्यक्त केली जात आहे.