‘तुझ्या मुलीला मी मागणार आहे; तर तू पाहुणे कशाला बोलावतोस’ असे म्हणीत प्रियकराने घातला धिंगाणा..! – प्रियकराने मुलीचे घर गाठत मुलीच्या वडिलांना झोडपले…

गोंदिया :-आजच्या आधुनिक काळात प्रेमाची रूपरेषा बदलल्याने प्रेम ‘खरे की खोटे’ हेच कळेनासे झाले आहे.काहीजण प्रेमाकडे नुसता टाईमपास म्हणून बघतात तर काहीजण जीवापाड प्रेम करून प्रेमासाठी वाट्टेल ते भूमिका घेतांना दिसून येतात.परंतु,काहीजण आपले प्रेम जग जाहीर करायचे नाही; अशीही भूमिका घेत असतात.अशातच ‘ती माझी आहे; माझी नाही तर कुणाचीही नाही’ अशी काही तरुणांची भूमिका असते.त्यामुळे काही तरुण तिचे दुसऱ्याशी लग्न होऊ नये; यासाठी लग्नासाठी येणाऱ्या स्थळाकडे करडी नजर ठेवून असतात.असाच प्रकार गोंदिया जिल्ह्याच्या देवरी तालुक्यातील लोहारा येथे घडला.मुलीला पाहायला एक स्थळ आले.परंतु, आलेल्या पाहुण्यांच्या समोरच प्रियकराने मुलीचे घर गाठले.पाहुण्यांच्या समोरच त्याने गोंधळ घालत मुलीच्या वडिलांना झोडपले असल्याची घटना चार दिवसांपूर्वी म्हणजेच शुक्रवारी १३ डिसेंबरला दुपारी ३ वाजताच्या सुमारास घडली.