उद्रेक न्युज वृत्त
अहमदनगर :- येथील राहाता येथे एका वाढदिवसानिमित्त गौतमी पाटीलच्या नृत्याचे कार्यक्रम आयोजित करण्यात आले होते. गौतमी पाटील येणार असल्याचे समजताच आजूबाजूच्या परिसरातील नागरिकांची कार्यक्रमास अफाट गर्दी झाली.गौतमी पाटीलने गाण्यावर ताल धरताच पाहता पाहता टाळ्या,शिट्ट्या-किंकाळ्या सुरु झाल्या.अफाट गर्दीमुळे काही जणांनी कार्यक्रमात दंगा करण्यास सुरुवात केल्याने परिस्थिती हाताळण्यासाठी पोलिसांना लाठीचार्ज करावा लागला.अतिउत्साही प्रेक्षक आणि हुल्लडबाजांना आवरताना तिथे असणाऱ्या ६० बाऊन्सर्सचीही दमछाक झाली.होणारा गोंधळ पाहून नाचता नाचता गौतमी पाटील थांबली म्हणून प्रेक्षकांनीही राडा करण्यास सुरुवात केली. तिच्या विनंतीनंतरही राडा थांबलाच नाही.अखेर पोलिसांनी घटनास्थळी लाठीचार्च केला.परिस्थिती हाताबाहेर गेल्याचे पाहून आयोजकांनीही कार्यक्रम आवरता घेतला आणि गौतमी पाटील ताबडतोब कार्यक्रम स्थळावरून निघून गेली.
