गोर गरीबांना दिलासा देणारी योजना थांबवली..! सर्वसामान्यांच्या आनंदावर विरजण; तर गलेलठ्ठ पगारदारांना आनंदोत्सव..!

उद्रेक न्युज वृत्त :-महाराष्ट्र राज्यात मोठ्या धुमधडाक्यात ‘आनंदाचा शिधा’ योजना २०२२ मध्ये सुरू करण्यात आली होती.आनंदाचा शिधा योजनेंतर्गत राज्यातील गोर गरिबांना सणासुदीच्या काळात केवळ शंभर रुपयांमध्ये चार वस्तू मिळत होत्या.यात एक किलो रवा,एक किलो चना डाळ,एक किलो साखर आणि एक लीटर पामतेल देण्यात येत होते.किटचे वितरण पहिल्यांदा २०२२ मध्ये दिवाळीला करण्यात आले होते. त्यानंतर गुढीपाडवा, डॉ.बाबासाहेब आंबेडकर जयंती, गणेशोत्सव आणि दिवाळी या सणांच्या निमित्ताने,तसेच छत्रपती शिवाजी महाराज जयंतीनिमित्त सरकारने ‘आनंदाचा शिधा’ किटचे वितरण केले होते.अश्यातच शासनाने गोर गरीबांना दिलासा देणारी योजना थांबवली; तर गलेलठ्ठ पगारदारांना गणेशोत्सव निमित्ताने आनंदोत्सव साजरा करण्यास पाच दिवस अगोदरच पगार देण्याचे शासन निर्णय जारी केल्याने शासनाच्या भूमिकेबद्दल सर्वसामान्यांमध्ये तीव्र रोष व्यक्त करण्यात येत आहे.ज्या कालावधीत गोर गरिबांना शंभर रुपयांत किटचे वितरण केले जायचे,अश्या कालावधीत शासनाने सर्वसामान्य नागरिकांना ठेंगा दाखवल्याच्या प्रतिक्रिया जनसामान्यांतून उमटू लागल्या आहेत.लाडकी बहीण योजनेमुळे गोरगरिबांना सणासुदीच्या काळात ‘आनंदाचा शिधा’ मिळणार नसल्याचे राज्याचे अन्न व नागरी पुरवठा मंत्री छगन भुजबळ यांनी यापूर्वी स्पष्ट केले होते.

लाडकी बहीण योजनेसाठी ४५ हजार कोटी रुपये लागतात,तर शिवभोजन थाळी साठी वर्षाला