गडचिरोली जिल्ह्यात तिरंदाजी खेळाचे प्रशिक्षण केंद्र; आष्टी येथे खेळाडू निवड चाचणीचे आयोजन..

गडचिरोली :-केंद्र शासनाच्या क्रीडा मंत्रालयामार्फत खेलो इंडिया आर्चरी प्रशिक्षण केंद्र(आष्टी)अंतर्गत गडचिरोली जिल्ह्यात आर्चरी(तिरंदाजी)खेळाचे प्रशिक्षण केंद्र मंजूर करण्यात आले आहे.या केंद्रात ३० प्रशिक्षणार्थी व एक प्रशिक्षक अशी व्यवस्था करण्यात आली असून,प्रशिक्षणासाठी १४ वर्षांखालील(मुले व मुली)खेळाडूंच्या निवड चाचणीचे आयोजन करण्यात आले आहे.

सदर निवड चाचणी येत्या ३१ जुलै २०२६ रोजी सकाळी ८ वाजता महात्मा ज्योतिबा फुले कनिष्ठ हायस्कूल तथा महाविद्यालय,आष्टी,ता.चामोर्शी,जि.गडचिरोली येथे होणार आहे.या निवड चाचणीतून पात्र खेळाडूंची खेलो इंडिया आर्चरी प्रशिक्षण केंद्र,आष्टी येथे नियमित प्रशिक्षणासाठी निवड केली जाणार आहे.निवड चाचणीसाठी सहभागी खेळाडूंनी जन्म प्रमाणपत्र,आधार कार्ड,बोनाफाईड प्रमाणपत्र व पासपोर्ट आकाराचे छायाचित्र सोबत आणणे आवश्यक आहे.

• निवड प्रक्रियेतील चाचण्या👇

धावणे (मुले –२.४ किमी,मुली – १.६ कि.मी.)

हृदयगती चाचणी

बो हँड होल्डिंग

पुश-अप,सिट-अप

सिट अँड रीच

प्लँक टेस्ट

व्हर्टिकल जंप

ब्रॉड जंप

ड्रॉ

अँकर

फॉलो-थ्रू

रिलीज

टी-स्टान्स

लेफ्ट एल्बो तंत्र

एकाग्रता

बुद्धिमत्ता

प्रतिक्रिया क्षमता

आज्ञापालन

खेलो इंडिया आर्चरी प्रशिक्षण केंद्र हा केंद्र शासनाच्या महत्त्वाकांक्षी उपक्रमांपैकी एक असून,राज्यातील गुणवंत तिरंदाज घडविण्याच्या दृष्टीने महत्त्वपूर्ण आहे. या प्रशिक्षणातून भविष्यात राष्ट्रीय,आंतरराष्ट्रीय तसेच २०२८ व २०३२ च्या ऑलिम्पिक स्पर्धांसाठी खेळाडू तयार होण्यास मदत होणार आहे.

गडचिरोली जिल्ह्यातील जास्तीत जास्त पात्र खेळाडूंनी या निवड चाचणीत सहभागी व्हावे,असे आवाहन भास्कर घटाळे,जिल्हा क्रीडा अधिकारी, गडचिरोली यांनी केले आहे.