उद्रेक न्युज वृत्त
गडचिरोली : पोलीस अधीक्षक गडचिरोली यांचे साथरोग संदर्भाने आवश्यक उचित प्रतिबंधात्मक उपाययोजना सुरु आहेत. सिरोंचा येथे ८ फेब्रुवारी ते ९ फेब्रुवारी २०२३ पर्यंत हजरत वली हैदरशाह बाबा उर्स उत्सव साजरा होणार आहे.१८ फेब्रुवारी २०२३ रोजी महाशिवरात्री यात्रा उत्सव व १९फेब्रुवारी २०२३ रोजी छत्रपती शिवाजी महाराज जयंती जिल्ह्यात सर्वत्र साजरा करण्यात येणार आहे.तसेच काही राजकीय पक्ष,संघटना व इतर नागरिक हे धरणे,मोर्चे,आंदोलने, सभा,मिरवणूक,सार्वजनिक कार्यक्रम आयोजित करण्याची शक्यता असल्याने सदर कालावधीत कोणताही अनुचित प्रकार घडु नये तसेच कायदा व सुव्यवस्था अबाधित राखण्याच्या दृष्टीने संपुर्ण गडचिरोली जिल्हयात ५ फेब्रुवारी चे ००.०१ वा. ते १९ फेब्रुवारी चे २४.०० वाजेपर्यंत महाराष्ट्र पोलीस अधिनियम ,१९५१ चे कलम ३७(१) (३) संपूर्ण गडचिरोली जिल्हयात लागू करण्यात आली आहे. असे अतिरीक्त जिल्हादंडाधिकारी,गडचिरोली यांनी कळविले आहे.
