आधीच महागाईच्या झळा; त्यात वाहनधारकांना शुल्क वाढीचा झटका..!

उद्रेक न्युज वृत्त :-महागाईने कुणी वैतागले नसले तरीही याची झळ रोजची रोजी-रोटी कमावून खाणाऱ्यांना जाणवत असते.आजच्या घडीला अनेकांकडे वाहने आहेत.काहीजण कर्ज काढून वाहने खरेदी करतात,तर काहीजण आपली ऐपत पाहून पाय पसरतांना दिसून येतात.अश्यातच आधीच महागाईच्या झळा सोसणाऱ्या सर्वसामान्य वाहनधारकांना  गृह(परिवहन)विभागाने मोठा झटका दिला आहे.ड्रायव्हिंग लायसन्स(अनुज्ञप्ती) आणि आरसी बुक(नोंदणी प्रमाणपत्र)घरपोच मिळवण्यासाठी आकारल्या जाणाऱ्या पोस्टल शुल्कात शासनाने मोठी वाढ केली आहे.आता नागरिकांना ५८ रुपयांऐवजी ७० रुपये मोजावे लागणार आहेत.त्यामुळे परमानंट(कायम)ड्रायव्हिंग लायसन्ससाठी ७७० रुपये, रिनिव्हल लायसन्ससाठी ४७० रुपये,तर टू व्हिलर व फोर व्हिलर एकत्र असलेल्या लायसन्ससाठी १ हजार ७० रुपये द्यावे लागणार आहेत.परिवहन विभागामार्फत नागरिकांना परवाना आणि नोंदणी प्रमाणपत्र पोस्टाने घरपोच पाठवले जाते.यासाठी परिवहन आयुक्त कार्यालय आणि पोस्ट विभाग यांच्यात दरवर्षी करार होतो.यापूर्वी स्थानिक आणि बिगर स्थानिक अशा दोन्ही पत्त्यांसाठी ५८ रुपये(१८ टक्के जीएसटीसह)एकसमान शुल्क आकारले जात होते.मात्र,पोस्ट विभागाने आता हे शुल्क वाढवून ७० रुपये करण्याचा प्रस्ताव दिला होता, ज्याला शासनाने मंजुरी दिली आहे.याची अंमलबजावणी १ ऑक्टोंबर २०२५ पासून करण्यात आली असली तरी १ जानेवारी २०२६ रोजी याबाबत शासन निर्णय काढण्यात आला आहे.परिवहन विभागाच्या या निर्णयामुळे वाहनधारकांमध्ये संतापाचे वातावरण आहे. आधीच लायसन्स आणि रजिस्ट्रेशनसाठी मोठी फी घेतली जाते,त्यात आता घरपोच दरवाढ करणे चुकीचे आहे,अशा प्रतिक्रिया सामान्य नागरिकांच्या आहेत.विशेष म्हणजे,ज्यांच्या डिलिव्हरीच्या नावाखाली पुन्हा घरचा पत्ता आरटीओ कार्यालयाच्या जवळ आहे,त्यांनाही आता लांबच्या पत्त्याप्रमाणेच वाढीव ७० रुपये द्यावे लागणार आहेत.