नागपूर :-सन-१९९७ च्या बॅचचे आयपीएस अधिकारी तथा राष्ट्रपती पदक सन्मानित ‘धडाकेबाज’ अधिकारी ५३ वर्षीय विश्वास नांगरे पाटील आता नागपूरचे नवे पोलिस आयुक्त असणार आहेत. याबाबत राज्याच्या गृहविभागाकडून काल,मंगळवारी सायंकाळच्या सुमारास आदेश जारी करण्यात आला.यापूर्वी नागपूरचे पोलिस आयुक्त म्हणून डॉ.रवींद्रकुमार सिंगल यांच्याकडे जबाबदारी सोपविण्यात आली होती.डॉ.सिंगल यांनी फेब्रुवारी २०२४ मध्ये नागपूर पोलिस आयुक्तपदाची सूत्रे स्वीकारली होती.विशेष म्हणजे,ड्रग्स,गांजा व हत्यांचे प्रमाण दिवसेंदिवस वाढतच चालले असल्याने नागपुरात कायदा व सुव्यवस्थेबाबत प्रश्नचिन्ह उपस्थित करण्यात येत होते.त्यातही,राज्याचे मुख्यमंत्री नागपूरचेच असल्याने बदल गरजेचे होते.त्यानुसार,अप्पर पोलिस महासंचालक विश्वास नांगरे पाटील यांच्याकडे नागपूरची जबाबदारी देण्यात आली आहे; तर डॉ.रवींद्रकुमार सिंगल यांची लाचलुचपत प्रतिबंधक विभागाच्या अप्पर पोलिस महासंचालकपदी बदली करण्यात आली आहे.
- विश्वास नांगरे पाटील यांची कारकीर्द👇
