आज दहावी परीक्षेचा निकाल; असा पहा निकाल..

उद्रेक न्युज वृत्त :-महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे,नागपूर,छत्रपती संभाजीनगर,मुंबई,कोल्हापूर,अमरावती,नाशिक,लातूर व कोकण या नऊ विभागीय मंडळांमार्फत फेब्रुवारी-मार्च २०२५ मध्ये घेण्यात आलेल्या माध्यमिक शालान्त प्रमाणपत्र इयत्ता १० वी परीक्षेचा निकाल मंडळाच्या कार्यपध्दतीनुसार अधिकृत संकेतस्थळांवर आज,मंगळवार १३ मे रोजी दुपारी १ वाजता ऑनलाईन जाहीर करण्यात येणार आहे.यंदा दहावीच्या परीक्षेला १६ लाख ११ हजार ६१० विद्यार्थी बसले होते.त्यात ८ लाख ६४ हजार १२० मुले,७ लाख ४७ हजार ४७१ मुली,तर १९ ट्रान्सजेंडर विद्यार्थ्यांचा समावेश होता; असे मंडळाचे अध्यक्ष शरद गोसावी यांनी झालेल्या पत्रपरिषदेत माहिती दिली होती.

विद्यार्थ्यांना उपरोक्त संकेतस्थळांवर विषयनिहाय संपादित केलेले गुण उपलब्ध होतील व सदर माहितीची प्रतही (प्रिंट आऊट) घेता येईल.विशेषतः शाळांना https://mahahsscboard.in (in school login) या संकेतस्थळावर एकत्रित निकाल व इतर सांख्यिकीय माहिती उपलब्ध होईल.