उद्रेक न्युज वृत्त
धानोरा :- तालुक्यातील दिव्यांग,वृद्ध,विधवांच्या विविध मागण्यांना घेऊन दिव्यांग संघटना व आम्ही आमच्या आरोग्यासाठी संस्थेच्यावतीने धानोरा तहसीलवर उद्या ९ मार्च २०२३ रोजी मोर्चा काढण्यात येणार आहे.
संजय गांधी निराधार योजनच्या मानधनात वाढ करावी,अपंगांना घरकूल योजना विना अटीने मंजूर करावी,वाढीव घर टॅक्स कमी करावा,अपंगांसाठी १०० टक्के विद्युत बिल माफ करावे,अपंगांसाठी तालुका स्थळी भवन बांधावे,एसटी बस मध्ये अपंगांना १०० टक्के सूट द्यावी,विना अटीने घरपट्टे व शेतीचे पट्टे देण्यात यावे,विधवा व वृध्दांचे मानधन वाढवावे, जिल्हा परिषद,पंचायत समिती,नगर पंचायतीमध्ये अपंगांना स्वीकृत सदस्य घेण्यात यावे,मार्च २०२३ पर्यंतच्या कर वसुलीतून ५ टक्के लाभ अपंगांना देण्यात यावा; आदी मागण्या मोर्चादरम्यान करण्यात येणार आहेत.सदर मोर्चाचे आयोजन आम्ही आमच्या आरोग्यासाठी संस्थेच्या संगीता तुमडे,विदर्भ दिव्यांग विकलांग संघटनेचे यशवंत पाटणकर,सर्वांगीण तालुका दिव्यांग संघटनेचे प्रकाश मारभते,अतुल शिंपी,पंकज झंझाळ,प्रकाश जेंगठे,प्रतिमा शेंडे,तारा मडावी,कालिंदा नैताम,श्रावण कुमरे,सिताराम मेश्राम, कृष्णा सोनटक्के,गुरुदिप सिंग दुधनी,पुंडलिक लोणारे, कपिल माशाखेत्री,रंजना लेनागुरे,मनोहर वाघडे, कविता कोटांगले,नागेंद्र गावडे,जगदीश नरोटे आदींनी केले आहे.
