सोने महागले; ८० हजारी पार…

उद्रेक न्युज वृत्त :-पुढील महिन्यात दिवाळी असल्याने सोन्याचे भाव आतापासूनच वधारले आहेत.दिवाळी सणात सर्वत्र मोठ्या प्रमाणावर आभूषणांची खरेदी केली जाते.अशातच सोन्याची भाववाढ झाल्याने सर्वसामान्यांना मोठा झटका बसला आहे. दोन दिवसांपूर्वी ७७ हजारांच्या पुढे गेलेल्या सोने भावात गुरुवारी १७ ऑक्टोंबरला २०० रुपयांची घसरण झाली.मात्र,शुक्रवारी त्यात थेट ८०० रुपयांची वाढ होऊन सोने ७७ हजार ९०० रुपये प्रति तोळ्यावर पोहोचले.जीएसटीसह एक तोळ्यासाठी आता ८० हजार २३७ रुपये मोजावे लागणार आहेत.

युक्रेन-रशिया युद्धामुळे सोने-चांदीसह अनेक वस्तूंचे भाव मोठ्या प्रमाणात वाढले होते.त्यानंतर अमेरिकन बँकांच्या स्थितीमुळे सोने-चांदी चांगलेच वधारले.त्या पाठोपाठ आता इराण व इस्त्रायल यांच्यातील वादामुळे सोने दरावर मोठा परिणाम होत आहे.तीन दिवसांपूर्वी बुधवारी सोने भावात एकाच दिवसात १ हजार १०० रुपयांची वाढ झाली.त्यामुळे सोन्याने ७७ हजारांचा टप्पा ओलांडत ते ७७ हजार ३०० रुपये प्रति तोळ्यावर पोहचले होते.अशातच आता सोने ८० हजारी पार गेले आहेत.