उद्रेक न्युज वृत्त
गडचिरोली :- गडचिरोलीतालुक्याच्या जिल्हा परिषद शाळा मरेगाव येथील शालेय विद्यार्थ्यांना आरमोरी सिद्धी निधी लिमिटेड कंपनीचे अध्यक्ष तथा सामाजिक कार्यकर्ते सिद्धार्थ साखरे यांनी आपले समाजाशी आणि देशाचे उद्याचे भविष्य म्हटले जाणाऱ्या विद्यार्थ्यांशी काहीतरी देणे-घेणे असते; या सादिक भावनेतून एक सामाजिक बांधिलकी जोपासत शाळेतील संपूर्ण विद्यार्थ्यांना शाळेच्या पहिल्याच दिवशी नोटबुकचे वितरण केले आहे.
सिद्धार्थ साखरे हे नेहमीच सामाजिक कार्यात सक्रिय सहभाग नोंदवून घेत असतात.गरीब आणि श्रीमंत असा भेदभाव त्यांनी कधीच केलेला नाही.गोर- गरिबांसाठी शैक्षणिक,आर्थिक व इतर मदत करणे हा त्यांचा मूळ स्वभाव आहे.यापूर्वीही त्यांनी अनेकदा अनेकांना मदत केली आहे.शालेय विद्यार्थ्यांसह एखाद्या शाळेला भेट वस्तू देणे,एखाद्याच्या मदतीला धाऊन जाणे,आर्थिक मदत करणे व इतर अशा अनेक मदतीचे हात त्यांनी पुढे केले आहे.मात्र,त्यांनी कधीही प्रकाश झोतात येण्याचा प्रयत्न केलेला नाही.अशाच प्रकारे सिद्धार्थ साखरे यांनी मरेगाव येथील जिल्हा परिषद शाळा येथे भेट देऊन संपूर्ण विद्यार्थ्यांना मोफत नोटबुकचे वितरण करून “झाडे लावा झाडे जगवा” असा संदेश देत वृक्षांचे वाटप केले आहे.
प्रसंगी शाळेचे मुख्याध्यापक गुणवंत हेडाऊ,शिक्षक चरणदास मडावी,शिक्षिका टेकाम,शिक्षिका सुरकर,इमामुद्दिन तसेच शालेय विद्यार्थी उपस्थित होते.
