मुख्यमंत्री युवा कार्य प्रशिक्षण योजनेचे विद्यावेतन उद्याला होणार वितरीत…

गडचिरोली :-शिक्षण पूर्ण करुन नोकरीसाठी अनुभवाच्या शोधात असलेल्या युवा वर्गाला विद्यावेतनासह शिक्षणाच्या बळावर अनुभवाची जोड देता यावी; या उद्देशाने राज्य शासनाने मुख्यमंत्री युवा कार्य प्रशिक्षण योजना सुरू केली आहे.या योजनेंतर्गत युवकांना विद्यावेतनासह नोकरीचा अनुभव मिळवण्यासाठी मोठ्या प्रमाणात संधी उपलब्ध झाली असून बारावी पास,आयटीआय,पदविका आणि पदविधर किंवा पदव्युत्तर युवकांनी या योजनेच्या माध्यमातून अनेकांनी अर्ज केलेले आहेत.आता मुख्यमंत्री युवा कार्य प्रशिक्षण योजनेअंतर्गत प्रशिक्षणार्थ्याचे पहिले विद्यावेतन हे प्रधानमंत्री नरेंद्र मोदी यांच्या हस्ते उद्या दिनांक -५ ऑक्टोंबरला ठाणे येथे मुख्य कार्यक्रमातून ऑनलाइन अदा करण्यात येणार आहे.या कार्यक्रमाचे थेट प्रक्षेपण गडचिरोली नियोजन सभागृह जिल्हाधिकारी कार्यालय येथून दुपारी १.४५ वाजता करण्यात येणार आहे.यावेळी जिल्ह्यातील प्रशिक्षणार्थींनी उपस्थित राहावे; असे आवाहन गडचिरोली जिल्हाधिकारी संजय दैने यांनी केले आहे