उद्रेक न्युज वृत्त
गडचिरोली :-महिलांच्या आर्थिक बाबींसह आरोग्य आणि पोषणामध्ये सुधारणा करणे तसेच कुंटुबातील त्यांची निर्णायक भूमिका मजबूत करण्यासाठी शासनामार्फत “मुख्यमंत्री-माझी लाडकी बहीण सुरू करण्यात आलेली आहे.या योजनेची नागरी क्षेत्रात प्रभावीपणे अंमलबजावणी करण्याकरीता तसेच मदत केंद्रांचे कामकाजांची पाहणी करण्यासाठी जिल्हा प्रशासनाद्वारे जिल्हा महिला व बालकल्याण अधिकारी प्रकाश भांदक्कर यांचेवर जबाबदारी सोपविण्यात आली आहे.
प्रकाश भांदक्कर हे १५ ते १९ जुलै या कालावधीत जिल्ह्यातील बाराही तालुक्यात नगरपरिषद /नगरपंचायत येथे भेट देऊन योजनेच्या अंमलबजावणीचा आढावा घेणार आहेत.यावेळी ते संबंधित क्षेत्रातील नागरिकांच्या योजनेसंदर्भात समस्याही जाणून घेणार आहेत.भांदक्कर १५ जुलै रोजी गडचिरोली,धानोरा व आरमोरी,१६ जुलै रोजी देसाईगंज,कुरखेडा व कोरची,१८ जुलै रोजी चामोशी, मुलचेरा व एटापल्ली,१९ जुलै रोजी अहेरी,भामरागड व सिरोंचा येथे पाहणी करून आपला अहवाल
२२ जुलै पर्यंत जिल्हाधिकारी यांना सादर करतील. नागरिकांनी त्यांच्या समस्या भांदक्कर यांना प्रत्यक्ष भेटून किंवा त्यांच्या संपर्क क्रमांक 9420045030 यावर नोंदवाव्या; असे आवाहन जिल्हा प्रशासनातर्फे करण्यात आले आहे.
