उद्रेक न्युज वृत्त :-छत्तीसगडमध्ये नक्षलवादी आता नकली नोटाही छापू लागले असल्याचे उघडकीला आले आहे.सुकमा पोलिसांनी नक्षल्यांच्या एका ठिकाणावर टाकलेल्या छाप्यातून ही खळबळजनक बाब उघडकीस आली आहे.चार हजार ३०० रुपयांच्या नकली नोटा,शाई,प्रिंटर आदी नोटा छापण्याचे साहित्य पोलिसांनी जप्त केले आहे.नक्षलवादी संघटनेने आपल्या कॅडर्सना नोटा छापण्याचे रीतसर प्रशिक्षणही दिल्याचे या कारवाईतून समोर आले आहे.भेज्जी पोलीस ठाण्याच्या हद्दीत मैलासूर,कोराजगुडा, दंतेशपुरमलगतच्या जंगलांतून नक्षल्यांच्या हजेरीची खबर पोलिसांना मिळाली होती.पोलीस,डीआरजी, बस्तर फायटर्स आणि सीआरपीएफच्या जवानांनी संयुक्तपणे मागोवा घेतला.जवान कोराजगुड्याच्या दिशेने निघाले आहेत आणि जवळ पोहोचले आहेत; अशी खबर मिळताच नक्षल्यांनी शस्त्रांसह नोटा छापण्याचे साहित्य जागेवरच सोडून पळ काढला.
बंदुका,कलर प्रिंटर मशिन,ब्लॅक प्रिंटर मशिन, इन्व्हर्टर, प्रिंटर मशीन कॉटिज,ईमेज किंग,११८ जीपीएस पावडर,२३ बाटल्या प्रिंटर इंक ५०,१००, २०० आणि ५०० रुपयांच्या नकली नोटा इत्यादी साहित्य जप्त करण्यात आला.
