उद्रेक न्युज वृत्त
गडचिरोली :- जिल्हाधिकारीकार्यालय गडचिरोली येथील सभागृहात ६ फेब्रुवारी २०२३ रोजी दुपारी वाजता लोकशाही दिनाचे आयोजन करण्यात आले आहे.
लोकशाही दिनी तक्रार अर्ज स्विकारण्याची वेळ दुपारी २ ते ३ वाजेपर्यत राहील आणि सभेला ३ वाजता सुरुवात होईल.ज्या तक्रारदारांना लोकशाही दिनात तक्रार अर्ज दाखल करावयाचे असल्यास, त्यांनी तालुका स्तरावरील लोकशाही दिनात दाखल केलेल्या तक्रारीचे निराकरण होवून प्राप्त झालेल्या अहवालावर समाधान न झाल्यास तालुका स्तरावरील प्राप्त अहवाल व टोकन क्रमांक जोडून जिल्हास्तरावर ६ फेब्रुवारी २०२३ रोजी होणाऱ्या लोकशाही दिनात तक्रार अर्ज विहित नमुन्यात (प्रपत्र-१ अ ते १ ड) दोन प्रतित दाखल करणे आवश्यक राहिल.तसेच तक्रार, निवेदन वैयक्तिक स्वरुपाची असावी.अन्यथा अर्ज विचारात घेण्यात येणार नाही;असे निवासी उपजिल्हाधिकारी गडचिरोली यांनी कळविले आहे.
