नाट्यश्री कविता स्पर्धेतील तेहत्तिसाव्या सत्रात ब्रम्हपुरीच्या सोनाली (रायपुरे) सहारे विजयी….

गडचिरोली :-स्थानिक ‘नाट्यश्री साहित्य कला मंच, गडचिरोली’ च्या वतीने आठवड्यातील उत्कृष्ट कवी व कविता हा नविन उपक्रम सुरू करण्यात आलेला आहे.त्यानुसार दर आठवड्याला ही स्पर्धा घेण्यात येते.या उपक्रमांतर्गत प्रत्येक कवींनी दर आठवड्याला कविता सादर करायची असून या कवितांमधून फक्त एका कवितेची निवड करण्यात येते.या कवितेला आठवड्याची उत्कृष्ट कविता व कवीला आठवड्याचे उत्कृष्ट कवी म्हणून पुरस्कृत करण्यात येते.

या उपक्रमाचे तेहत्तिसावे सत्र नुकतेच पार पडले असून यात ३० कवींनी सहभाग नोंदविला होता.या स्पर्धेचा निकाल नुकताच जाहीर करण्यात आला असून त्यात ब्रम्हपुरी (जि.चंद्रपूर)येथील कवयित्री सौ.सोनाली (रायपुरे)सहारे यांची आठवड्याचे उत्कृष्ट कवी व त्यांच्या “शब्द नि कविता” या कवितेची आठवड्याची उत्कृष्ट कविता म्हणून निवड करण्यात आली आहे.असे नाट्यश्रीचे संचालक तथा नाटककार चुडाराम बल्हारपुरे व कविता विभाग प्रमुख योगेश गोहणे यांनी कळविले आहे.

सौ.सोनाली (रायपुरे) सहारे हे ब्रम्हपुरी येथील रहिवासी असून प्रसिद्ध कवयित्री आहेत.त्यांचे ‘भावस्पर्श’ व ‘काव्यसृष्टी’ हे कवितासंग्रह, ‘मनतरंग’ चारोळीसंग्रह व ‘सुर्यविचार’ हा सुविचार संग्रह  प्रकाशित झालेला आहे.‌त्यांना सामाजिक कार्याची आवड असून विविध वृत्तपत्रांतून त्यांचे साहित्य नियमितपणे प्रकाशित होत असतात.विशेष म्हणजे त्या गडचिरोली जिल्ह्यातील माहेरवाशीण आहेत. त्यांच्या या यशाबद्दल नाट्यश्रीचे प्रा.‌अरुण बुरे,दादा चुधरी,दिलीप मेश्राम,प्रा.यादव गहाणे तसेच नाट्यश्री च्या सदस्यांनी त्यांचे अभिनंदन केले आहे.

या तेहत्तिसाव्या सत्राच्या स्पर्धेत प्रामुख्याने प्रेमिला अलोने,जयराम धोंगडे, सौ.संगीता ठलाल,तुळशीराम उंदीरवाडे,वंदना सोरते,विलास टिकले,वामनदादा गेडाम,प्रिती ईश्वर चहांदे,राजेंद्र यादवराव सोनटक्के, रोहिणी पराडकर,गणेश रामदास निकम,मिलींद खोब्रागडे,रेखा दिक्षित,केवळराम बगमारे,वसंत चापले, उकंडराव राऊत,पी.डी.काटकर, संतोष कपाले, सोनाली रायपुरे)सहारे,मधुकर दुफारे,वकिल शेख, राजरत्न पेटकर,स्वप्नील बांबोळे,खुशाल म्हशाखेत्री, रंजना चुधरी,सुजाता अवचट,ज्योत्स्ना बन्सोड, कु. भावना रामटेके,मंदाकिनी चरडे इत्यादी कवींनी सहभाग नोंदविला होता.या पुरस्काराचे वितरण नाट्यश्रीच्या पुढील कार्यक्रमात करण्यात येणार असल्याचे नाट्यश्रीचे संचालक तथा नाटककार चुडाराम बल्हारपुरे यांनी कळविले आहे.