उद्रेक न्युज वृत्त
गडचिरोली :-स्थानिक ‘नाट्यश्री साहित्य कला मंच’ गडचिरोलीच्या वतीने “आठवड्यातील उत्कृष्ट कवी व कविता” हा नविन उपक्रम १ जानेवारी २०२४ पासून सुरू करण्यात आलेला आहे.दर आठवड्याला कवींनी कविता सादर करायची आहे.त्यानुसार उपक्रमाचे २८ वे सत्र नुकतेच पार पडले असून यात २९ कवींनी सहभाग नोंदविला होता.स्पर्धेचा निकाल नुकताच जाहीर करण्यात आला असून त्यात कवी गणेश रामदास निकम यांची आठवड्याचे उत्कृष्ट कवी व त्यांच्या “दादा,नको लाडकी बहिण योजना” या कवितेची आठवड्याची उत्कृष्ट कविता म्हणून निवड करण्यात आली आहे; असे नाट्यश्री चे संचालक तथा नाटककार चुडाराम बल्हारपुरे व कविता विभाग प्रमुख योगेश गोहणे यांनी कळविले आहे.नाट्यश्रीच्या उपक्रमाचे अठ्ठाविसावे मानकरी गणेश रामदास निकम यांचे “रानगर्भ फुलत आहे” गृपचे योगेश गोहणे (कविता विभाग प्रमुख),चुडाराम बल्हारपुरे,दादा चुधरी,दिलीप मेश्राम, प्रा.यादव गहाणे व प्रा.अरुण बुरे यांनी अभिनंदन केले आहे.
सत्रातील पुरस्काराचे वितरण नाट्यश्रीच्या पुढील कार्यक्रमात करण्यात येणार असल्याचे चुडाराम बल्हारपुरे (नाटककार) यांनी कळविले आहे.
