चार नक्षलवाद्यांचा गडचिरोली पोलिसांनी केला खात्मा…..

उद्रेक न्युज वृत्त 

गडचिरोली :- गडचिरोलीच्या कोलामार्का जंगलात सी ६० जवान आणि माओवाद्यांमध्ये चकमक झाली.या चकमकीत ४ माओवाद्यांचा खात्मा करण्यात आल्याची माहिती मिळत आहे.कोलामार्का पर्वताजवळ सी ६० आणि सीआरपीएफ क्यूएटी (QAT) च्या पथकांनी केलेल्या संयुक्त कारवाईत चार नक्षलवाद्यांना ठार करण्यात आले असून एक एके ४७, एक कार्बाइन,२ देशी बनावटीचे पिस्तूल,नक्षलवादी साहित्य आणि सामानही जप्त करण्यात आले आहे. नक्षलवाद्यांवर महाराष्ट्र सरकारने जाहीर केलेले ३६ लाखांचे रोख बक्षीस होते.परिसरात पुढील शोध आणि नक्षलविरोधी कारवाया सुरू असल्याचे गडचिरोलीचे पोलिस अधिक्षक नीलोत्पल यांनी म्हटले आहे.