दोन तरुणांची इन्स्टाग्रामवर ओळख; ओळखीचे रूपांतर प्रेमात.. – एकतर्फी प्रेमात बुडालेल्या तरुणाने प्रियकर तरुणाचा चिरला गळा..

गडचिरोली :-सोशल मीडियाच्या इन्स्टाग्रामवर ओळख झालेल्या दोन तरुणांचे प्रेम बहरून आले.अश्यातच ‘आपण लग्न करू’ असे एकतर्फी प्रेमात बुडालेल्या तरुणाने तगादा लावला.मात्र,अगोदरच विवाहित असलेल्या तरुणाने नकार देताच एकतर्फी प्रेमात बुडालेल्या तरुणाने प्रियकर तरुणाचा गळा चिरून हत्या केल्याची धक्कायक घटना गडचिरोली जिल्ह्याच्या एटापल्ली तालुक्यातील देवदा गावाजवळ काल,रविवार ३१ मे रोजी उघडकीस आली आणि पोलीस तपासात दोघांचीही सर्व करुण कहाणी समोर आली.सूरज हलदार वय ३० वर्षे,रा.मिरगन,ता.रायघर,जि.नबरंगपूर,ओडिशा असे आरोपीचे नाव आहे,तर सतीशकुमार जगदीशप्रकाश निसाद वय ३२ वर्षे,रा. नागेपल्ली,ता.अहेरी, जि.गडचिरोली असे हत्या झालेल्या तरुणाचे नाव आहे.

इन्स्टाग्रामवर ओळख झालेले दोघेही तरुण समलैंगिक प्रेमाच्या डोहात बुडाले होते.त्यातच,आरोपी सूरज हलदार प्रेमात वेडापिसा झाला आणि दोन दिवसांपूर्वी तो ओडिशातून अहेरी तालुक्याच्या नागेपल्ली येथे वास्तव्यास असणाऱ्या सतीशकुमारला भेटण्यासाठी गावी आला होता.गावी आल्यानंतर त्याला सतीशकुमार हा विवाहित असल्याचे कळले.दोन दिवस एकत्र घालवल्यानंतर,काल रविवारी पहाटे सूरज आपल्या गावी ओडिशाला जाण्यासाठी निघाला असता सतीशकुमार त्याला सोडण्यासाठी आपल्या एमएच ३४ बीएफ २५६० क्रमांकाच्या चारचाकी कारने छत्तीसगडच्या सीमाभागातून ओडिशाच्या दिशेने घेऊन जाणार होता. दरम्यान,कारने एटापल्ली तालुक्यातील देवदा गावाजवळ पोहोचताच ‘तू विवाहित आहेस,मला सांगितला नाहीस’ आपण लग्न करू’ यावरून दोघांमध्ये कडाक्याचे भांडण झाले. भांडण सुरू असतांनाच रागाच्या भरात आरोपी सूरजने सोबत आणलेला चाकू काढला आणि सतीशकुमारच्या गळ्यावर वार केले.यातच त्याचा मृत्यू झाला.दरम्यान,परिसरातील नागरिकांनी घटनास्थळी धाव घेत आरोपी सूरज हलदार याला पकडून पोलिसांच्या स्वाधीन केले आणि दोघांची केमेस्ट्री उघडकीस आली. प्रकरणी आरोपीवर खुनाचा गुन्हा दाखल करण्यात आला.