उद्याला गडचिरोली येथे केंद्र शासनाच्या प्रधानमंत्री शिकावू उमेदवारी मेळावा व रोजगार मेळाव्याचे आयोजन..

गडचिरोली :-क्रांतिवीर बाबुराव शेडमाके शासकीय औद्योगिक प्रशिक्षण संस्था,गडचिरोली येथे उद्या,सोमवार ११ मे २०२६ रोजी सकाळी १० वाजता “PM-NAM प्रधानमंत्री शिकाऊ उमेदवारी मेळावा”तसेच रोजगार मेळावा आयोजित करण्यात आलेला आहे.सदर मेळावा सर्व व्यवसायाच्या आजी व माजी आयटीआय पास व शिकत असलेल्या विद्यार्थ्यांकरिता असून नामांकित कंपन्यांचे प्रतिनिधी येणार आहे.

PM-NAM प्रधानमंत्री शिकाऊ उमेदवारी योजना ही केंद्र शासन पुरस्कृत असून कौशल्य विकास व उद्योजकता विभाग यांच्या मार्फत राबविण्यांत येत असून या व्दारे औद्योगिक आस्थापनेत आपले कौशल्य विकसित करुन आत्मनिर्भर होण्याची व रोजगाराची संधी उपलब्ध होते.सदर योजनेमुळे प्रशिक्षणार्थ्यांना रोजगार तसेच स्वयंरोजगाराचे धडे मिळतात.प्रधानमंत्री शिकाऊ उमेदवारी तसेच रोजगार मेळावा अंतर्गत विद्यार्थ्यांना जिल्ह्यातील तसेच जिल्ह्याबाहेरील उद्योगांमध्ये रोजगाराच्या संधी उपलब्ध होणार असून सदर संधीचा जास्तीत जास्त विद्यार्थ्यांनी लाभ घ्यावा.असे आवाहन शासकीय औद्योगिक प्रशिक्षण संस्था गडचिरोलीचे प्राचार्य  चौधरी व सहाय्यक प्रशिक्षणार्थी सल्लागार राजूरकर यांनी केले आहे.

शिकाऊ उमेदवारी करिता निवड करण्यात आलेल्या उमेदवार यांना शासकीय नियमानुसार कंपनीतर्फे सोयी सुविधा उपलब्ध राहतील.

सदर मेळाव्याचे आयोजन “क्रांतिवीर  बाबुराव शेडमाके शासकीय औद्योगिक प्रशिक्षण संस्था, गडचिरोली” तसेच बीटीआरआय चंद्रपूर यांच्या संयुक्त विद्यमानाने आयोजित होत असुन याकरिता इच्छुक उमेदवारांनी स्वखर्चाने उपस्थित राहावे.तसेच अधिक माहिती साठी-

मनिष  वाळके- ९४२२१८८००,औद्योगिक प्रशिक्षण संस्था गडचिरोली व एन.डी.मेश्राम-७९७२७६७४९२

 गटनिदेशक औद्योगिक प्रशिक्षण संस्था गडचिरोली

 मनिष उंबरकर- ९८९०५००३३६  बीटीआरआय, व्दारा आयटीआय,चंद्रपूर यांच्याशी संपर्क साधण्याचे आवाहन करण्यात आले आहे.