सर्वसामान्यांना झटका..! आजपासून सिलिंडरच्या किंमतीत मोठी वाढ..

उद्रेक न्युज वृत्त :-मध्यपूर्व आशिया,अमेरिका व युरोपियन खंडात सुरू असलेल्या युद्धजन्य परिस्थितीच्या पार्श्वभूमीवर सर्वसामान्य जनतेच्या खिशाला मोठी कात्री लागली आहे.महागाईची झळ सुरू असतांनाच आज, शनिवार ७ मार्चपासून घरगुती आणि व्यावसायिक एलपीजी गॅस सिलिंडरच्या किंमतीत मोठी वाढ झाली आहे.घरगुती १४.२ किलोच्या गॅस सिलिंडरच्या दरात ६० रुपयांची,तर व्यावसायिक १९ किलो सिलिंडरच्या दरात ११५ रुपयांची दरवाढ करण्यात आली आहे.सदरचे दर हे आजपासून लागू करण्यात आले आहे.होळीपूर्वी व्यावसायिक एलपीजी सिलिंडरमध्ये वाढ करण्यात आली होती; परंतु घरगुती गॅसमध्ये वाढ करण्यात आली नव्हती.मात्र,आता झालेल्या दरवाढीमुळे सर्वसामन्यांना मोठा झटका बसला आहे.सिलिंडरच्या किंमती ह्या स्थानिक टॅक्सनुसार वेगवेगळ्या राहू शकतात.जसे, गडचिरोली व इतर जिल्ह्यात घरगुती गॅसचे दर ९१८ रुपये होते,तर आता ते ९७८ रुपये झाले आहे.दर महिन्याच्या १ तारखेला किंवा विशेष परिस्थितीत तेल कंपन्या गॅसच्या किमतींचा आढावा घेतात आणि त्यानुसार दर जाहीर करीत असतात.