शेतकऱ्यांना नमो शेतकरी योजनेच्या दोन हजाराची प्रतीक्षा..!

नमो शेतकरी महासन्मान निधी योजनेंतर्गत राज्य सरकार वर्षाला प्रत्येकी दोन हजार रुपये तीन हप्त्यात पात्र लाभार्थी शेतकऱ्यांच्या खात्यात थेट जमा करते. योजनेतून अडचणीच्या काळात शेतकऱ्यांना मोठा आधार मिळत आहे.मात्र,अद्याप अजूनही आठव्या हप्त्याची दोन हजार रुपये जमा करण्यात आले नसल्याने आणखी किती दिवस वाट पहावी?असा प्रश्न शेतकऱ्यांच्या मनात घर करून सोडत आहे.त्यातच,नमो शेतकरी महासन्मान निधीचा हप्ता नेमका कधी जमा होणार? असाही प्रश्न शेतकरी उपस्थित करीत आहेत. दुसरीकडे,वाढती महागाई,खत-बियाण्यांचे दर,कर्जाचा बोजा आणि नैसर्गिक संकटांचा सामना करत असलेल्या शेतकऱ्यांसाठी हा निधी अत्यंत महत्त्वाचा आहे.त्यामुळे हप्ता तातडीने जमा करण्याची मागणी शेतकरी संघटनांकडून जोर धरू लागली आहे.