ट्रकची दुचाकीला धडक; तीन भावंडे जखमी.. – दोघांचे पाय मोडले..

गडचिरोली :-टाईल्सची कामे करणाऱ्या दुचाकीस्वार तीन भावंडांच्या लोहखनिज वाहतूक करणाऱ्या एका ट्रकने दुचाकीला जोरदार धडक दिल्याने अपघातात दोन भावंडांच्या पायाचे हाड मोडले,तर एकास किरकोळ दुखापत झाल्याची घटना आज,गुरुवार २२ जानेवारी रोजी सकाळच्या सुमारास चामोर्शी तालुक्याच्या चौडमपल्ली गावाजवळ घडली.घटना घडताच ट्रक चालक ट्रकसह फरार झाल्याने परिसरात संताप व्यक्त केला जात आहे.अपघातात २२ वर्षीय तेजसिंग राजपूत, २४ वर्षीय दिपक राजपूत व २३ वर्षीय अशोक राजपूत अशी जखमी तिन्ही भावंडांची नावे असून तिघेही गुजरात राज्यातील रहिवासी आहेत.ते टाईल्सची कामे करण्यासाठी हल्ली गडचिरोली जिल्ह्याच्या चामोर्शी तालुक्यातील गुंडापल्ली येथे मुक्कामी आहेत.

आज गुरुवारी सकाळच्या सुमारास दुचाकिस्वार तिन्ही भावंडे गुंडापल्ली गावाहून परिसरातील धनूर या गावी टाईल्स लावण्याच्या कामाकरीता निघाले होते.अश्यातच चौडमपल्ली गावाजवळ येताच आलापल्लीकडून येणाऱ्या मालवाहू ट्रकने त्यांच्या दुचाकीला जोरदार धडक दिली.धडक बसताच तिघेही दुचाकीवरून खाली कोसळले.यात दोघांना जबर मार लागला,तर एकास किरकोळ दुखापत झाली.घटना घडताच ट्रकचालक घटनास्थळावरून पसार झाला.दरम्यान,त्याच मार्गावरून येत असलेल्या भावाने आष्टी येथे अपघाताची माहिती दिली असता चामोर्शी तालुक्याच्या आष्टी येथील श्री छत्रपती शिवस्वराज्य बहुउद्देशीय सेवा संस्थेच्या सदस्यांना झालेल्या अपघाताची माहिती मिळताच संस्थेच्या सदस्यांनी क्षणाचाही विलंब न करता घटनास्थळी धाव घेत अपघातग्रस्तांना तात्काळ आष्टी ग्रामीण रुग्णालयात उपचारासाठी दाखल केले.दोघांचे पायाचे हाड मोडले असल्याने त्यांना पुढील उपचारार्थ हलविण्यात आले.घटनेचा पुढील तपास पोलीस निरीक्षक विशाल काळे यांच्या मार्गदर्शनाखाली आष्टी पोलीस प्राशन करीत आहे.