मुदत संपण्यास एक दिवस शिल्लक असतांनाच वाहन धारकांना मोठा दिलासा.. अखेर एचएसआरपी नंबर प्लेट बसविण्यास मुदतवाढ..

उद्रेक न्युज वृत्त :-वाहनांच्या नंबर प्लेटमध्ये छेडछाड व बनावटगिरी करुन होणारे गुन्हे कमी करणे,रस्त्यावर धावणाऱ्या वाहनांची ओळख पटविणे व तसेच राष्ट्रीय सुरक्षेच्या दृष्टीकोनातुन सर्व १ एप्रिल २०१९ पूर्वी नोंदणी झालेल्या जुन्या वाहनांसाठी एचएसआरपी म्हणजेच उच्च सुरक्षा नोंदणी क्रमांक(HSRP) बसविणे आवश्यक असल्याचे सर्वोच्च न्यायालयाचे निर्देश असून केंद्रिय मोटार वाहन नियम १९८९ च्या नियम ५० अन्वये महाराष्ट्र शासनाने सर्व वाहनांना हाय सिक्युरिटी रजिस्ट्रेशन प्लेट (एचएसआरपी) बसविण्याची तरतुद करण्यात आली आहे.यासाठी राज्य सरकारने उद्या,शुक्रवार १५ ऑगस्ट २०२५ पर्यंतची मुदत दिली होती.अश्यातच राज्यातील अनेक वाहनधारकांनी एचएसआरपी नंबर प्लेट बसविलेली नाही.यासाठी एचएसआरपी नंबर प्लेट बसविण्यास मुदतवाढ देण्यात आली आहे.त्यानुसार ३० नोव्हेंबर २०२५ ही शेवटची तारीख देण्यात आली असून त्यानंतर ज्यांनी एचएसआरपी नंबर प्लेट बसविलेली नसेल,अश्यांवर येत्या १ डिसेंबर २०२५ पासून वायुवेग पथकाद्वारे नियमांनुसार कारवाई करण्यात येणार आहे.यासाठी परिवहन विभागाच्या  http://transport.maharashtra.gov.in या अधिकृत संकेतस्थळावर जाऊन ३० नोव्हेंबर २०२५ पर्यंत नोंदणी करून घेणे आवश्यक असल्याचे परिवहन विभागाच्या वतीने आवाहन करण्यात आले आहे.