गडचिरोलीच्या किरण चौधरी यांना राष्टीय दर्पण कार्यगौरव पुरस्कार जाहीर..

गडचिरोली :-दर्पणकार बाळशास्त्री जांभेकर पत्रकार संघाच्या वतीने शिक्षक दिनानिमित्य राष्ट्रीय दर्पण शिक्षक गौरव पुरस्कारांची घोषणा संघाचे राष्ट्रीय अध्यक्ष महेंद्र देशपांडे यांनी नुकतीच केली असून यात गडचिरोली नवेगाव कॉम्प्लेक्स येथील किरण महादेव चौधरी यांच्या साहित्य क्षेत्रातील उल्लेखनीय कार्याची दखल घेऊन त्यांना राष्टीय दर्पण कार्यगौरव पुरस्कार जाहीर करण्यात आलेला आहे.राष्ट्रीय पुरस्कार वितरण समारंभ येत्या ७ ऑगस्ट २०२५ रोजी दुपारी २.३० वाजता रोटरी क्लब हॉल,गजमाळ शालिमार नाशिक येथे संपन्न होणार असून यात किरण चौधरी यांना सन्मानित करण्यात येणार आहे.सदर कार्यक्रम राज्यातील विविध मान्यवरांच्या उपस्थितीत संपन्न होणार आहे.विधिध क्षेत्रात काम करणाऱ्या महिला, पुरुष यांचा या प्रतिष्ठेच्या राष्टीय पुरस्काराने सन्मान करण्यात येत आहे.यामध्ये किरण चौधरी यांचा समावेश असून त्यांना राष्ट्रीय पुरस्कार मिळाल्याबद्दल विविध स्तरावरून अभिनंदनाचा वर्षाव करण्यात येत आहे.सदरच्या कार्यक्रमास मोठ्या संख्येने उपस्थित राहण्याचे आवाहन पत्रकार संघातर्फे करण्यात आले आहे.