शेतकरी कर्जमाफी योजना; आज शेतकऱ्यांची दुसरी यादी होणार जाहीर..

उद्रेक न्युज वृत्त :-नुकतेच बुधवार २२ जुलै रोजी

‘पुण्यश्लोक अहिल्यादेवी होळकर शेतकरी कर्जमाफी योजना-२०२६’ अंतर्गत पहिल्या यादीतील ५३३ शेतकऱ्यांचे २ कोटी ९९ लाख ३७ हजार ५४० रुपयांचे कर्ज माफ करण्यात आले.अश्यातच आता आज,शुक्रवार २४ जुलै रोजी कर्जमाफी योजनेची दुसरी यादी जाहीर होणार आहे.या अंतर्गत पुणे जिल्हा मध्यवर्ती सहकारी बँकेच्या पात्र लाभार्थ्यांची यादी प्रसिद्ध केली जाणार आहे.याद्वारे ६१ हजार ९०० शेतकऱ्यांना ५२३ कोटींचा लाभ मिळणार आहे. त्याचबरोबर,महाराष्ट्र राज्यातील उर्वरित जिल्ह्यांतील पात्र शेतकऱ्यांच्या याद्याही प्रसिद्ध केल्या जाणार आहेत.राज्य शासनाने शेतकऱ्यांच्या कर्जमाफीसाठी जाहीर केलेल्या ‘पुण्यश्लोक अहिल्यादेवी होळकर शेतकरी कर्जमाफी योजना-२०२६’ च्या राज्य शासनाच्या या ऐतिहासिक निर्णयामुळे राज्यातील सुमारे ५६ लाख पात्र शेतकऱ्यांना कर्जमाफी  योजनेचा लाभ मिळणार आहे.