वाहनांवरील पर्यावरण करात दुप्पट वाढ..

उद्रेक न्युज वृत्त :-वाढत्या वायू प्रदूषणावर नियंत्रण मिळवण्यासाठी जुन्या आणि प्रदूषणकारी वाहनांवरील पर्यावरण करात वाढ करण्याचा निर्णय घेत आज बुधवारी विधिमंडळात महाराष्ट्र मोटार वाहन कर (सुधारणा)विधेयक २०२६,एकमताने मंजूर करण्यात आला.राज्यातील पर्यावरण संरक्षण,आर्थिक शिस्त आणि औद्योगिक विकास यांचा समतोल साधण्याच्या दृष्टीने हे विधेयक महत्त्वाचे ठरणार असल्याचे राज्याचे परिवहन मंत्री प्रताप सरनाईक यांनी सभागृहात स्पष्ट केले. सुधारित कर रचनेनुसार,दुचाकी वाहनांसाठी पर्यावरण कर २ हजार रुपयांवरुन ४ हजार रुपयांवर,पेट्रोल वाहनांसाठी ३ हजार रुपयांवरुन ६ हजार रुपयांवर,तर डिझेल वाहनांसाठी ३ हजार ५०० रुपयांवरुन ७ हजार रुपये करण्यात आला आहे.सदरचा कर हा दर पाच वर्षांसाठी एकरकमी आकारला जाणार आहे.या सुधारित कर रचनेमुळे राज्याला दरवर्षी सुमारे १६० कोटींपेक्षा अधिक अतिरिक्त महसूल मिळणार असून हा निधी रस्ता सुरक्षा,आधुनिक परिवहन सुविधा, एटीएस प्रणाली आणि प्रशिक्षणासाठी वापरण्यात येणार आहे.