भाला फेक खेळाडू नीरज चोप्राची भारतीय सैन्य दलाच्या लेफ्टनंट कर्नल पदी नियुक्ती..

उद्रेक न्युज वृत्त :-आंतरराष्ट्रीय क्रीडा क्षेत्रात भारताचे प्रतिनिधित्व करीत सुवर्ण पदक,सिल्व्हर पदक तसेच देशतांर्गत खेळल्या जाणाऱ्या क्रीडा जगतात विविध पदक विजेता भाला फेक खेळाडू नीरज चोप्राची आज,बुधवार १४ मे रोजी देशाच्या  राष्ट्रपती द्रौपदी मुर्मू यांच्या हस्ते भारतीय सैन्य दलाच्या लेफ्टनंट कर्नल पदी नियुक्ती देण्यात आली.भारतीय टेरिटोरियल आर्मी रेग्युलेशन १९४८ च्या पॅरा-३१ नुसार नीरज चोप्रा यांना भारतीय सैन्य दलात सहभागी करुन घेण्यात आले आहे.नीरज चोप्राने भाला फेक( जेवलिन थ्रो)क्रीडा प्रकारात भारतासाठी २०२१ च्या टोकियो ऑलिंपिक स्पर्धेत सुवर्ण पदक आणि २०२४ च्या पॅरीस ऑलिंपिक स्पर्धेत सिल्व्हर पदक जिंकले आहे.यापूर्वी नीरज चोप्रा राजपूताना रायफल्समध्ये सुभेदार पदावर कार्यरत होते.सन २०१६ साली ते नायब सुभेदार पदावर भारतीय सैन दलात भरती झाले होते.आता त्यांना बढती मिळाली असून थेट लेफ्टनंट कर्नल बनले आहेत.नीरज चोप्राच्या अगोदरही काही खेळाडू टेरिटोरियल आर्मीचे घटक आहेत,त्यामध्ये क्रिकेट टीम इंडियाचा माजी कर्णधार महेंद्रसिंह धोनीही टेरिटोरियल आर्मीत लेफ्टनंट कर्नल आहे.विशेष म्हणजे,क्रीडा क्षेत्रात उल्लेखनीय कामगिरी वा राष्ट्रीय, आंतरराष्ट्रीय पातळीवर खेळ खेळणाऱ्या क्रीडा खेळाडूंना शासकीय नोकऱ्यांमध्ये आरक्षण दिले जाते.त्यानुसार कुणाची थेट नियुक्ती तर काहींना पात्रतेनुसार बढती मिळत असते.