पोलीस-नक्षल चकमक; गडचिरोली जिल्ह्यातील जवान शहीद..

गडचिरोली :-जिल्ह्याच्या भामरागड तालुक्यातील

दिरंगी आणि फुलणार गावातील जंगल परिसरात नक्षल्यांनी छावणी उभारल्याची माहिती मिळताच अहेरीचे अतिरिक्त पोलिस अधीक्षक एम.रमेश आणि श्रेणिक लोढा यांच्या नेतृत्वात सी-६० पथकाच्या १८ आणि जलद प्रतिसाद पथकाच्या(सीआरपीएफच्या क्यूएटी) २ तुकड्या त्या भागात काल,सोमवार १० फेब्रुवारीला रवाना करण्यात आल्या होत्या.तुकडीतील जवानांनी नक्षलविरोधी अभियान राबविण्यास सुरुवात केल्यानंतर आज,मंगळवार ११ फेब्रुवारीला नक्षल्यांनी जवानांवर गोळीबार केला.त्यानुसार आज दिवसभर चकमक सुरू होती.अशातच नक्षलवाद्यांशी झालेल्या चकमकीत पोलीस अंमलदार महेश कवडू नागुलवार वय ३९ वर्षे,रा.अनकोडा,ता.चामोर्शी,जि. गडचिरोली हे जखमी झाले होते.त्यामुळे त्यांना तातडीने सामान्य रुग्णालय गडचिरोली येथे उपचारकरीता दाखल करण्यात आले.अशातच उपचारादरम्यान महेश नागुलवार हे शहीद झाले.त्यांची नेमणूक गडचिरोलीच्या विशेष अभियान पथकात होती.