उद्रेक न्युज वृत्त
गडचिरोली :- जिल्हा कौशल्य विकास रोजगार व उद्योजकता मार्गदर्शन केंद्र,मॉडेल करिअर सेंटर गडचिरोली आणि शासकीय औद्योगिक प्रशिक्षण संस्था धानोरा यांच्या संयुक्त विद्यमाने २२ व २३ फेब्रुवारी २०२३ रोजी शासकीय औद्योगिक प्रशिक्षण संस्था धानोरा येथे पंडित दिनदयाल उपाध्याय रोजगार मेळावा आयोजित करण्यात आलेला आहे.
सदर रोजगार मेळाव्यामध्ये एस.आय.एस.हैद्राबाद आणि एम १ सेक्यूरीटी & अलाइड सर्व्हिसेस प्रा.लि.नागपूर या कंपनी उपस्थित असणार असून; सदर रोजगार मेळाव्याकरिता ईच्छूक उमेदवारांनी स्वत:चा बायोडाटा,शैक्षणिक प्रमाणपत्रांच्या झेराक्स सह स्वखर्चाने २२ व २३ फेब्रुवारी २०२३ रोजी शासकीय औद्योगिक प्रशिक्षण संस्था धानोरा येथे उपस्थित राहून रोजगार मेळाव्याचा लाभ घ्यावा; असे आवाहन जिल्हा कौशल्य विकास रोजगार व उद्योजकता मार्गदर्शन केंद्र गडचिरोली कार्यालयाने आवाहन केले आहे.
