उद्रेक न्युज वृत्त
गडचिरोली :- जिल्ह्याचे पोलीस अधीक्षक नीलोत्पल यांनी काल २० मार्च २०२३ रोजी आदेश काढून अपवादात्मक प्रकरणात सहानुभतीपूर्वक विचार करून जनहितार्थ कायद्या व सुव्यवस्था प्रशासकीय निकडीनुसार अधिनियमातील विविध कलमान्वये पदावधी पूर्ण होण्यापूर्वी बदली करणे गरजेचे असल्यास अशा प्रकरणांमध्ये प्रदान करण्यात आलेल्या अधिकाराचा वापर करून तात्पुरत्या स्वरूपात बदलीचे आदेश काढण्यात आले आहे. त्यानुसार देसाईगंज पोलीस ठाण्याचे ठाणेदार महेश मेश्राम यांना गडचिरोली येथील पोलिस मुख्यालय देण्यात आले तर आरमोरीचे ठाणेदार मनोज काळबांधे यांना किटाळी येथील कमांडो प्रशिक्षण केंद्राचे प्रमुख करण्यात आले आहे.बदलिनुसार देसाईगंजचे नवे ठाणेदार किरण रासकर तर आरमोरीचे नवे ठाणेदार संदीप मंडलिक यांची नव्याने नियुक्ती करण्यात आली आहे.
सदर बदल्या कायद्या व सुव्यवस्थेचा प्रश्न निर्माण झाले असल्याने करण्यात आल्या असल्या तरी बदलीचे कारण अद्यापही गुलदस्त्यात असल्याचे बोलल्या जात आहे.
