उद्रेक न्युज वृत्त
गडचिरोली :-कुरखेडा तालुक्याच्या ठाणेदार पदी रेवचंद सिंगनजुडे यांची गेल्या सहा महिन्यांपासून वर्णी लागली होती.मागील पार पडलेल्या लोकसभा निवडणुकीपूर्वीच ते कुरखेडा येथे रुजू झाले होते. अशातच अवघ्या सहा महिन्यांतच बदली झाल्याने कुरखेडा शहरात चर्चांना उधाण येऊ लागले आहे.
शहरात मोठ्या प्रमाणावर अवैध धंदे जोर धरू लागले आहेत. देशी,विदेशी,थंडी बियर तसेच गावठी दारूची ‘विक्री जोमात अन् पोलीस प्रशासन कोमात’ अशी अवस्था निर्माण झाली आहे.खुलेआम राजरोसपणे अवैध दारूचे धंदे सुरू असूनही याकडे अक्षम्य दुर्लक्ष केले जात आहे.काहींचे घर जणूकाही परवानाधारक ‘बार’ च असल्याचे दिसून येते.तळीरामांची संख्या दिवसेंदिवस झपाट्याने वाढतच चालली आहे.यावर अंकुश घालणार कोण? कायदा व सुव्यवस्थेचा प्रश्न ऐरणीवर टांगला जातो आहे.अशातच कुरखेडा येथील सिंगनजुडे यांची गडचिरोलीच्या पोलीस ठाण्यात बदली करण्यात आली आहे.गडचिरोली शहर व तालुक्याच्या कायदा सुव्यवस्थेची धुरा आता रेवचंद सिंगनजुडे यांना सांभाळावी लागणार आहे.
