आनंदाची बातमी… पीएम किसान योजनेच्या १८ व्या हप्त्याची रक्कम ‘या’ तारखेला होणार जमा…

उद्रेक न्युज वृत्त :-शेतकरी बांधवांना पीएम किसान योजनेच्या लाभार्थ्यांना वार्षिक ६ हजार रुपये प्रमाणे प्रत्येकी तीन टप्प्यात २ हजार रुपये डीबीटी (डायरेक्ट बेनिफिट ट्रान्स्फर) म्हणजेच प्रत्यक्ष लाभ हस्तांतरणाद्वारे बँक खात्यात जमा करण्यात येते.आतापर्यंत पीएम किसान सन्मान निधी योजनेच्या  १७ व्या हप्त्याचे लाभ शेतकरी बांधवांना अदा करण्यात आले आहे.अशातच बऱ्याच दिवसांपासून शेतकरी बांधव पीएम किसान सन्मान निधी योजनेच्या १८ व्या हप्त्याची रक्कम केव्हा मिळणार? याकडे सर्वांच्या नजरा भिडल्या होत्या.त्यानुसार आता दसऱ्याच्या आधीच देशातील सर्व शेतकरी बांधवांच्या खात्यात १८ व्या हप्त्याची रक्कम जमा होणार आहे.

पीएम किसान योजनेच्या अधिकृत वेबसाईटवर ६ ऑक्टोंबर ही तारीख देण्यात आली आहे.पंतप्रधान नरेंद्र मोदी यांचा महाराष्ट्रातील वाशिम जिल्ह्यात कार्यक्रम होणार आहे.या कार्यक्रमामध्ये पंतप्रधान नरेंद्र मोदी पीएम किसान योजनेच्या १८ व्या हप्त्याची रक्कम टाकणार आहेत.त्यानुसार येत्या ६ ऑक्टोंबर रोजी पीएम किसान योजनेची रक्कम मिळणार असल्याने रकमेमुळे शेतकरी बांधवांना काहीसा दिलासा मिळणार आहे.