आता महागाई वाढीची चिन्हे; रुपयाची घसरण अन् डॉलरची वाढ..

उद्रेक न्युज वृत्त :-डॉलर हे जगातील सर्वात मोठे चलन आहे.जे बहुतेक व्यवहारांसाठी वापरले जाते.अश्यातच आज भारतीय रुपयामध्ये ऐतिहासिक घसरण झाली आहे.अमेरिकन डॉलरच्या तुलनेत रुपयाने महत्त्वाचा ९० रुपयांचा टप्पा ओलांडला आणि आतापर्यंतचा नीचांक गाठला आहे.आज, बुधवार ३ डिसेंबरला एका अमेरिकी डॉलरची किंमत ९० रुपये २६ पैसे झाली आहे.समजा, तुम्ही विदेशात गेलात आणि तेथील चलन डॉलर असेल तर तुम्हाला काही वस्तू खरेदी करावयाच्या असतील तर तुम्हाला एका डॉलरसाठी ९० रुपयांपेक्षा अधिक किंमत मोजावी लागेल.व्यापार आणि पोर्टफोलिओमधील मंदीचा ओघ आणि भारत-अमेरिका व्यापार करारातील स्पष्टतेबद्दलच्या चिंतेमुळे चलनावर दबाव निर्माण झाला आहे.रुपयाच्या घसरणीचा तात्काळ परिणाम महागाई वाढीत होऊ शकतो.आपण परदेशातून आयात करत असलेल्या वस्तू अधिक महाग होतील,जसे की पेट्रोल,खते,सोने, इलेक्ट्रॉनिक्स आणि मशीनचे भाग. भारत मोठ्या प्रमाणात परदेशातून खाद्यतेल आणि डाळी आयात करतो. डॉलरच्या वाढीमुळे तेल आणि डाळींच्या किंमती वाढू शकतात, ज्यामुळे त्यांच्या किंमतीवर थेट परिणाम होईल.यामुळे तुमचे स्वयंपाकघर बजेट विस्कळीत होऊ शकते.शिवाय,परदेशी शिक्षण,प्रवास, डाळी,खाद्यतेल,कच्चे तेल,कम्प्युटर,लॅपटॉप,सोने,औषधे, रसायने,खते आणि आयात केलेली अवजड यंत्रसामग्री अधिक महाग होऊ शकते.