आजपासून घरगुती स्वयंपाकाच्या गॅस दरात वाढ..!

उद्रेक न्युज वृत्त :-पेट्रोल,डिझेल आणि व्यवसायिक गॅसच्या दरवाढीनंतर आता घरगुती स्वयंपाकाच्या गॅस सिलेंडरच्या दरात २९ रुपयांची वाढ करण्यात आली आहे.सदरची दरवाढ ही आज,रविवार ७ जून २०२६ पासून लागू करण्यात आली आहे.यापूर्वी शनिवार ७ मार्च २०२६ रोजी घरगुती एलपीजी गॅस सिलिंडरच्या दरात ६० रुपयांची वाढ करण्यात आली होती.७ मार्च पूर्वी गडचिरोली व इतर जिल्ह्यात मिळणारा घरगुती गॅस हा ९१८ रुपये होता.त्यानंतर,६० रुपये वाढताच ९७८ रुपये झाला.तर आता १४.२ किलो वजनाच्या एलपीजी सिलिंडरच्या किंमतीत २९ रुपयांची वाढ करण्यात आल्याने तोच गॅस सिलेंडर १ हजार ७ रुपयाला मिळणार आहे.विशेषतः सिलिंडरच्या किंमती ह्या स्थानिक टॅक्सनुसार वेगवेगळ्या राहू शकतात.जागतिक स्तरावर वाढलेल्या खर्चाचा सामना करीत असलेल्या सरकारी इंधन कंपन्यांची गेल्या तीन महिन्यांतील ही दुसरी दरवाढ  असल्याने याचा फटका सर्वसामान्य जनतेच्या खिशाला बसणार आहे.विशेष म्हणजे,घरगुती गॅस हजार रुपयाच्या वर,तर व्यवसायिक गॅस सिलेंडर तीन हजार रुपयांच्या वर मिळणार असल्याने “काय करेल कास्तकार” अशी गावठी म्हण म्हणण्याची वेळ आली आहे.