- Advertisement -
- Advertisement -
- Advertisement -
- Advertisement -
उद्रेक न्युज वृत्त
गडचिरोली :-शासकीय धान खरेदी केंद्रावर हमीभावाने धानाची विक्री करण्यासाठी शेतकऱ्यांना शासनाच्या ऑनलाइन पोर्टलवर नोंदणी करावी लागते.त्याशिवाय धानाची विक्री करता येत नाही.सुरुवातीला शासनाने नोंदणीसाठी १५ नोव्हेंबरपर्यंतच मुदत दिली होती.परंतु अनेक शेतकऱ्यांची नोंदणी अद्याप रखडलेली आहे.त्यामुळे नोंदणीला १५ डिसेंबरपर्यंत मुदतवाढ दिल्याने शेतकऱ्यांना एकप्रकारे दिलासा मिळाला आहे.शेतकऱ्यांना हमीभावापेक्षा कमी दर मिळू नये; यासाठी शासन खरीप आणि रब्बी हंगामात जिल्हा मार्केटिंग फेडरेशन आणि आदिवासी विकास महामंडळाच्या माध्यमातून शासकीय धान खरेदी केंद्रावरून धान खरेदी करते.धान खरेदी केंद्रावर खरेदी दरम्यान होणाऱ्या अनागोंदी कारभाराला वचक बसवा,यासाठी गेल्या वर्षीपासून शासनाने शासकीय धान खरेदी केंद्रावर धानाची विक्री करण्यासाठी ऑनलाइन नोंदणी करणे अनिवार्य केले आहे.यासाठी ई-पीक नोंदणी व त्यातील पीक पेऱ्याची नोंदणी
महत्त्वाची आहे.जिल्ह्यात लाखावर शेतकरी असून,यापैकी दरवर्षी लाखो शेतकरी शासकीय धान खरेदी केंद्रावर धानाची विक्री करतात.यंदा दिवाळी संपली तरी धान खरेदीला सुरुवात झालेली नाही. नोंदणी उशिराने सुरू झाल्याने धान खरेदीस विलंब झाला.लाखो शेतकरी नोंदणीपासून वंचित आहेत. त्यामुळे शासनाने धान विक्रीसाठी नोंदणीला १५ डिसेंबरपर्यंत मुदतवाढ दिली आहे.यामुळे जिल्ह्यातील धान उत्पादक शेतकऱ्यांना एकप्रकारे दिलासा मिळाला आहे.
- Advertisement -
