उद्रेक न्युज वृत्त :-चक्क शाळेची मुख्याध्यापिका आणि महिला ग्रंथपाल यांच्यात जोरदार राडा होऊन दोघांनीही एकमेकींना चांगलेच धोपटल्याचा व्हिडिओ सध्या सोशल मीडियावर व्हायरल झाला आहे.प्रकरणी व्हिडिओ व्हायरल होताच जिल्हाधिकाऱ्यांनी दोघींनाही निलंबित केले आहे.सुरुवातीला वाद झाला, नंतर बाचाबाचीत शाळेच्या आवारातच दोघींमध्ये तुंबळ हाणामारी झाली.शिक्षकी पेशाला काळीमा फासणारी घटना मध्य प्रदेशाच्या खरगोनमधील एकलव्य आदर्श निवासी शाळेतील आहे.शाळेच्या मुख्याध्यापिका प्रवीण दहिया आणि ग्रंथपाल मधुराणी यांच्या जोरदार भांडण झाले.या भांडणाचे अवसान हाणामारीत झाले.मुख्याध्यापिकेने ग्रंथपाल मधुराणीच्या कनपटात लगावत मोबाईल फोडला.त्यानंतर दोघींनीही एकमेकांना मारहाण करत केस ओढले.तसेच एकमेकींना शिवीगाळही केली. यावेळी आसपास शाळेतील इतर शिक्षक आणि कर्मचारीही उपस्थित होते.मात्र कुणीही पुढे आले नाही.अखेर एका शिक्षिकेने मध्यस्थी करत दोघींचे भांडण सोडवले.मुख्याध्यापिका दहिया या माझ्यावर खोट्या सह्या करण्यासाठी दबाव टाकत होत्या.मात्र आपण नकार दिला.तसेच दहिया यांचा मुलगा विनाकारण शाळेच्या आवारात फिरतो आणि आपल्याकडे बघून अश्लील हावभाव करतो. यासंदर्भात आपण तक्रारी दाखल केली होती,असा आरोप ग्रंथपाल मधुराणी यांनी केला.दरम्यान,या घटनेनंतर मुख्याध्यापिका आणि ग्रंथपाल दोघींनाही निलंबित करण्यात आले आहे.
व्हायरल व्हिडिओ👇
