येत्या रविवारी राष्ट्रीय मतदार दिनाचे आयोजन..

गडचिरोली :-भारत निवडणूक आयोगाच्या स्थापना दिनाचे औचित्य साधून येत्या,रविवार २५ जानेवारी रोजी १६ वा राष्ट्रीय मतदार दिवस जिल्हाधिकारी कार्यालय गडचिरोली,मतदार नोंदणी अधिकारी, सहाय्यक मतदार नोंदणी अधिकारी व मतदान केंद्रस्तरीय अधिकारी स्तरावर विविध उपक्रमांनी साजरा करण्यात येणार आहे. निवडणूक विषयक जागृती निर्माण करण्याकरीता चित्रकला स्पर्धा,रांगोळी स्पर्धाचे आयोजन करण्यात आलेले असुन शाळा/महाविद्यालय स्तरावर आयोजीत करण्यात आलेल्या स्पर्धा गुणानुक्रमे पहिल्या तीन क्रमांकावरील विद्यार्थ्यांचा सत्कार जिल्हा स्तरावर आयोजीत करण्यात आलेल्या राष्ट्रीय मतदार दिनाच्या कार्यक्रमात करण्यात येणार आहे.

मतदान प्रक्रियेमध्ये युवा मतदारांचा सहभाग वाढावा व त्यांच्यात मतदानाविषयी जागृती निर्माण व्हावी यासाठी जिल्हा स्तरावरील राष्ट्रीय मतदार दिवसाच्या कार्यक्रमाचे आयोजन जिल्हा नियोजन समिती सभागृह, जिल्हाधिकारी कार्यालय गडचिरोली येथे रविवारी दुपारी १२ वाजता करण्यात येणार आहे.

१६ व्या राष्ट्रीय मतदार दिवसासाठी ” My India My Vote” हा विषय(Theme)आयोगाकडून देण्यात आलेला आहे.राष्ट्रीय मतदार दिवसाचे औचित्य साधून मतदारांना मतदानाबाबत शपथ घेण्याचा कार्यक्रम आयोजीत करण्यात आलेला आहे,असे प्र.उपजिल्हा निवडणुक अधिकारी,गडचिरोली यांनी कळविले आहे